DERDÊ MA HALÊ MA

-*-
DERDÊ MA HALÊ MA

Bra bra! Hala béré na derdé ma, halé ma
Çıra kewté ra téaré né havalé ma
Derudor maré bar, rast nébeno vılé ma
Unca kerdi ve téra qa derd u khulé ma

Yéma taé dané ho ro, vané malé ma
Serva mali qırkerdi doman u khalé ma
Gureti qenderve astır u çualé ma
Cokura vi qa, ma dest de némend dalé ma

Taé vané rasto, ju aqıl u fıkré ma
Herkes bızono yéma, bımıso zıkré ma
Baqılo, kam ke ho nano ro çığıré ma
Zengin qe lozım niyo, beso faqiré ma

Taé vané, besiyé puşié saré ma
Çıqa ke yéma, sari dest deré waré ma
Beme wayiré guna, measé çaré ma
Eve juvini qe nébeno tivaré ma

Taé yéné vané, her çi serva diné ma
Lao serva é dini çişayi çond vıréné ma
Çirr kerdi, némend tumon u pıréné ma
Bırr, tırr u kasu ra vérdi ra bırené ma

Duri vındeno, qomé ho cıra mevéro
Werté nékuno, va hérsé dine wevéro
Ma péyde tarixé mıxeneti o péro
Qa cokura o ke sar cor, qomé ma céro

Sıma ve heq kené, né rasti dané péro
Rındek pérode va hérsé ho péro şéro
Zerré ho ra tever keré, maqa ravéro
Xevere cıdé Torné Thuji hona béro

*De béré ma u na derdé ma*

Torné Thuji
17.04.2008