TI; YA TİYA, YA ÇİYÊ NİYA -(1)

Mesaj Sayısı : 215 Yaş : 77 Kayıt tarihi : 06/02/08

YA TİYA, YA ÇİYÊ NİYA (1)

Taine fek ra tım u tım véjina gımari
Dinu het de berz, caé korr u kherré sari
Raa sari ra çıra hundaé bené bari
Ma çınayré dina ho sero kené tari

Taine het ra, sar ho ré khalık véniyo
De pirıka ho feqire, riyé sari nédiyo
Herkes zono, taine ra doman nébiyo
Ma u pi qırkerdé, cıré wayir véjiyo

Na undére, newe niya mesela pari
Kam ke mezono khalıké par u pérari
Meste ki cıré kar u baré, derdé sari
Ê bınde zé heri, sar dine sero zé bari

Ho inkar kené, dineré ki wahir bené
Ma bom u xéğuné dinu horé çı saykené
Çıra ine ki horé pi u khalık nézonené
Heqoo! Yé sari çıra cıré hundé wes yéné

Cıré ke wes yéné, vazé, çıqa wazené
Eve khalıkuné sari é ki qe némanené
Ma çıra guna pirıka ho, horo barkené
Eve na qafıke! É qe çiyé saynébené

Qa genetik amo, kes ve nae némaneno
Kam ke sariré koleo, nae qe famnékeno
Torné Thuji yine horé mordem véneno
Maqa qeydo ke sari ver, rındek zoneno