Torné Thuji
tornetuji@gmail.com HATA NIKA KOTİ CÊRİYA
Mıra vané hata nıka koti cériya
Kameji kou péy de wedardae viya
Qomé ma naskena, zoné ma zonaiya
Ma çıra tenéna rew werte névéjiya
Bırauné ho ra ez nae çıturi vajine
Téniya yé mı né, no qusıré zofine
Sar maré ağa vi, ma mırovaé dine
Qa mara ki, guna ho zofa yé taine
Yé ma çıqa ke zuvini ra béxeveri
Qa laé xo dayvi desté saré teveri
Sari tım qomé ma serro day ca çéveri
Ma nézona, kam é naveri, kam boveri
Morım bi, wendaene u nusnaene ra
Hem ki pémıtene u hosavnaene ra
Duri vi, ilim u irfan zonaene ra
Béxever vi, qeder tayinkerdaene ra
Ma çıra coru ve ho nébime dewlete
Dısmen zonaime, nédéne ma xızmete
Zoné ho de ma néardéne sılawete
Sené Heqa! İzna to ra zon bi tomete
Eve zoné sari mektevu de wendéne
Çıqa ke ma tım péyé qesu de mendéne
Sari se wast, héni nat u bota tondéne
Gosté ma werdi vi, astuné ma zondéne
Kılam u sanıki zoné sari nusnéne
Areé dısmenu ré awxe kırısnéne
Sar ağa vi, qeda u bela ro rusnéne
Qomé ma zoné ma roz ve roz cévısnéne
Ne zonéne mordemiye, ne ki ciraniye
Torné Thuji serro kerdéne koraniye
Tiwaté déy némend, gurete téwraniye
Awa nawa nusneno, qe çina osaniye
Tı cériya: tutuldun, engellendin
Mecaz: hapis edildin
Torné Thuji
16.06.2008
Anasayfa