Torné Thuji
Mesaj Sayısı : 215
Yaş : 77
Kayıt tarihi : 06/02/08
 | | Konu: YÊ MA INQRARO Perş. Haz. 19, 2008 12:16 pm | |
| YÊ MA INQRARO
Gosté, sıma é ke zoné ma zané
Nıka venga pir u rayveru dané
Memuré ma vé, peru dame, vané
İyé ke wahiré berata Osmanané
Qewlo, jar u diyaru ke caverdané
Dina olem zono, yé ma inqraro
Kes mevazo ke jü het ra qeraro
Qewl u qeraré pir u tolıvi piyaro
Hata ewro, yé ma çıqa ke ax u zaro
Qe ferq nékeno, kam mara, kam saro
Herkes zoneno, welat ca u waro
Her heté ho pırré jar u diyaro
Jare verde pir u tolıv piyaro
Çıqa ke pir ver, tolıv déy dımaro
Névo piri vazé, no ma ré karo
Rast ke mezoné, rae ré zeraro
Kam ke ğeletino, caé ho daro
Rae ra erjino, cıra ke bézaro
Cıra ke bé xevero, nézoneno
Raa haqi ne muso, ne waneno
Derdé ho pere, pul; boyna wazeno
Ho keşi mesoyno, o pir nébeno
Pir nébeno, ke nefsi dıma sono
Kam çewt u xıravo, kam rast u pono
Piro zé pir, nae qa rınd bızono
Luzum ke keno, ho ki dare ra rono
Mevazé, serva çımé der u doro
Mara kes ne céro, ne ki kes coro
Raa heq ke mezono cıré zoro
Pir ke caverdo, dano saré horo
Torné Thuji dest de her tım miyazo
Kes, pir nébeno, tolıv ke mewazo
Mevazé ke yé ma cümbüş u sazo
Sema, beyit, deyiş, dém u duwazo Torné Thuji *Keşi ra né vame mara, ya saro *Roza tenge de pir u tolıv piyaro Torné Thuji 15.12.2007
En son Torné Thuji tarafından C.tesi Ekim 18, 2008 4:18 pm tarihinde değiştirildi, toplamda 1 kere değiştirildi | |
|
Torné Thuji
Mesaj Sayısı : 215
Yaş : 77
Kayıt tarihi : 06/02/08
| | Konu: SULVIS RAYE CIDE Perş. Haz. 19, 2008 12:19 pm | |
| SULVIS RAYE CIDE
Koé ma berzié, cıra zu ki Sulvıso
Awxa héniu serdın, tomé ho ki weso
Usar ke beno cerdei sung u rıvéso
Kemeruné déy ra, yare eşq bı neqıso
Hewru(n) cıré zén keré, yara mı cıniso
Béro, vilik û sosununé déy ra niso
Çımé ho şai, lıski suri, séne siso
Bıxemelne, béro ma lewede roniso
Çıqa ke Sulvıs her tım béréç u bérayi
Kemer u kuç mı ré beno merg û hegayi
Mésa mı ke qa béro, ez rut û warwayi
Vera cı sonune péyé Héniyé Şayi
Heqo, mız û dumani weda! ravéréne
Va dermané derduné ma ewro béréne
Çévésae, na defa ma ré zof mevéne
Héstıré çımuné ma éndi vınderéne
Derdé ma; CAN nébi vizéri, ne ki meste
Torné Thujî horé coru nékeno mınete
Vıle ho çewto, qa serva qom u homete
Hata ke, qa rast u delmaste cévervete
Torné Thuji, 05.01.2007 | |
|
