Torné Thuji
HONA TORA MEVÊRO
Taé sené mordemi é, pırré marazé
Keşi gosnédane, sekeme, sıma vazé
Kılamé ma çarné, tomıri dest de sazé
Maré zéde vénené, sowda u avazé
To qomi ré kerdé dısmen, çina xızmete
Zovi né! tora ki, vané heqé homete
Mordem ve zoné ho, méaro sılowete
Sené Heqa! İzna to ra zon bi tomete
Ma çıra yé mayéma bıné lıngu dero
Zor u zext qe kémi nébeno, hardi sero
Zoneme, o sené fıkro ke dine vero
Jar u diaré ma, dine ré pul u pero
Wazeno, mıxeneto ke werté ma dero
Rısvet ra qan kero, aqıl ke véri sero
Adır verkero, gem u bıré ma qırkero
Ser véran kero, bınera rataso bero
Çond sei serri o, çımé ho Dérsım dero
Sar se béro hardé dewréşi lonekero
Bıné hardé mara zernu vezo bero
Siyanur u zéhiré ho tarré ma sero
Tı sené wahira, tora mordem mevéro
Seveno! juyo bino rınd rasté to béro
Perskero, sar çıra coro, qomé ma céro
Dest ro belıké tono, to mara bicéro
Torné Thuji Heqé zé tora ki mevéro
Eve izna to, dısmené Dersımi béro
Çemu gırédo, tepıs vo, voro wecéro
Rau meverdo, mordem pıra béro şéro
Torné Thuji
25.06.2008
Anasayfa