YÊ MA iNQRARO

YÊ MA INQRARO

Gosté, sıma é ke zoné ma zané
Nıka venga pir u rayveru dané
Memuré ma vé, peru dame, vané
İyé ke wahiré berata Osmanané
Qewlo, jar u diyaru ke caverdané

Dina olem zono, yé ma inqraro
Kes mevazo ke jü het ra qeraro
Qewl u qeraré pir u tolıvi piyaro
Hata ewro, yé ma çıqa ke ax u zaro
Qe ferq nékeno, kam mara, kam saro

Herkes zoneno, welat ca u waro
Her heté ho pırré jar u diyaro
Jare verde pir u tolıv piyaro
Çıqa ke pir ver, tolıv déy dımaro

Névo piri vazé, no ma ré karo
Rast ke mezoné, rae ré zeraro
Kam ke ğeletino, caé ho daro
Rae ra erjino, cıra ke bézaro

Cıra ke bé xevero, nézoneno
Raa haqi ne muso, ne waneno
Derdé ho pere, pul; boyna wazeno
Ho keşi mesoyno, o pir nébeno

Pir nébeno, ke nefsi dıma sono
Kam çewt u xırav, kam rast u pono
Piro zé piri naye, qa rınd bızono
Luzum ke keno, ho ki dare ra rono

Mara kes ne céro, ne ki kes coro
Pir ke nézono, dano saré horo
Mevazé, serva çımé der u doro
Raa heq ré xırav vazo fam koro

Torné Thuji dest de her tım miyazo
Kes, pir nébeno, tolıv ke mewazo
Mevazé ke yé ma cümbüş u sazo
Sema, beyit, deyiş, dém u duwazo