AXERÊ LEMINÊ MA QE NÊZONAYi

AXERÊ LEMINÊ, MA QE NÊZONAYi

Qa qanuni nay ve ro, nameyi vurnayi
Zé vatena ho ji(çi) qeséy péro çarnayi
Cané hoke se wasténe, névi soynayi
Ge sanayi paskulu ver, geçi(ge ji) pernayi

Néwasténe, bıdé peré malé şiayi
Miyé sıpé u suri, qa naxır u gayi
Çımuné dinu de maqa zof zof asayi
Qe toway ré ki qurısé peréi nédayi

Ax eré lemıné ma né qe nézonayi
Xorti rusnayi, véyvıki dıma bervayi
Ma het de lac u çénéyi, wa u bırayi
Qulé heqi ma dormé hode néverdayi

İyé ke ma serva mektevu rusnayi
Şi serva derdé sari qirayi, bervayi
Cıra taé şi welatu ra zewecayi
Domani, zoné ma ra béxever verdayi

Qızé ma endi kewti néjdié howtayi
Kewté ho ki, ma uzau ra caverdayi
İyé bini ki, welat de qe néverdayi
Zolımu, ma sero çéveri péro cadayi

Nazau ra ki éndi qe néramiyayi
Ne bostani, ne axpini, ne ki hégayi
Ora dıma péro gort u xozan verdayi
Nun u méywa u zebzei ma hérinayi

Dar u biçiné ma, péro béwahir mendi
Merg u biyaré ma, nıkeka biyé kendi
Çıqa ke hundaé düeyi horé wendi
Né zolımu ma serro çarnayi na fendi

Kes qori nékeno caé çinıtene endi
Coka o ke ma serro çarnayi na fendi
Ne bené kom moresınci, ne ki nérebendi
Dar u bero ke rasna ra ki béwahir mendi

Torné Thuji dano saré horo, hem vano
Mordem na bétere se ho serde ano
Rié dina de qom bé zoné ho bımano
Çévésae cor, cavé na qesa se dano