LÊA DARE NÊBENA GILVAZE

-*-
LÊA DARE NÊBENA GILVAZE


Ma zoneme qa, tı sari rındek naskena
Name u leqema sari, tım rast zonena
Halé sari persena, xeveru nusnena
Ma çıra yé ho, tı qe ho ra népersena

Qesuné rındeku zonena, pıré aqıla
Ma tı sari ré wayiré aqıl u baqıla
Raa ke ma ver né, yé toyéto saqıla
Ho ré kemera koşi, sari ré çaqıla

Baqılé qomé ma wa, ma tı ki zonena
Maqa çondas serra zoné ma ré nusnena
Tı zoné sari domanéni ra na het zonena
Ma qéy dinu ra, tı zoné ma népersena

Maqa ez ki to naskenu, rınd zonenu
Hem name, hem leqama ho nusnenu
Ez goré qom u zoné ho, ho name kenu
İsonénia ho ra ki coru névérenu

Qa Torné Thuji ra se vana, qéçi vaze
Meve sari ré derman, horé ki maraze
Zoné ho bınusne, kılama ho vıraze
Léa dare, qe coru nébena gılvaze


Torné Thuji-05.01.2009

gılvaze: küçük dal, dalcık
Saqıl: çewt, ğelet