O SENÊ DÊSIMIZO

O SENÊ DÊSIMIZO


Yéno pelguné ma désımu ra nusneno
Namé désımu ra ki, thowa néwazeno
Ma no amo, naza xızmeta kami keno
Na pelga ğeyali ma ré zéde véneno


Jüyo ke béro ma ra rasta sari bıwazo
O Désımi ré ne çénao, ne Désımi ré lazo
Caé désımu de, désımız ke yé ho mevazo
Ma derd u khuluné Désımızu ré kam ilazo


Çévésayéne heq mordemi ré xırava ho ano
Mordem ke rasta ho menusno, mewano
Lao vazé “Heq, va xér bıdo, çıke dano
Raa sari ra mıreme, yé ma halo khano


Ma! Kam pesew u perroz ciyé sari weno
Ciyewer, coru ve ciyé sari mırd nébeno
Sar ke se vazone, tım yé dinédine keno
Sar poştia déy ro bar, o bınde naleno