*
YÊ MI TiYA
Melema mı! Na dina de mıré tı tiya
Kewta mı zerre, roza ke mı tı diya
Dina ollem zoneno, yé mı ve mı biya
Tı mı zerre de, coru cıra névéjiya
Ro yéno ra mı, vera mı ke ho vaydana
Ek werté çhımuné mı de, tı niadana
Cigera mı xılbena, ho ca ra vozdana
Se bıvo, tı; mı zerre de sujiyo khana
Tı ke çhımuné mı ver ra durri u yana
Kerkeşina we, qe mezal ve ma nédana
Ma tı nézona, qa yé zerri zof gırana
Sené bétere vazé, mordemi serde ana
Se beno, bıvo; yé mınu to véjiya téro
Qe tro nianédanu; çı xırav, çı xéro
Serva to çı yéno mı vıréniye, va béro
Tora névérenu, qe va se serre bıvéro
Békes manenu, ma na dina pé sekenu
Ez bé to qe ju helm u sope néwazenu
Ne aqılé ho ra, ne zerré ho ra vezenu
Qe deqé néviarnenu, ez bé to nébenu
Torné Thuji
Anasayfa