HAZIR U NAZIR Ê KAMi A

Mesaj Sayısı : 215 Yaş : 77 Kayıt tarihi : 06/02/08

*

HAZIR U NAZIR Ê KAMi A

Eve ho cor qatuné seri ro vındena
Koti ro niadana, çı bıvo vénena
Cané to ke çı wazeno, de tı éy kena
Çéçévésae, ma tı ma ra çı wazena

Taé to kerdi dummi, bom u budelayi
Taé béxudé, béfamé, ho nézonayi
Ve vatena to, ameyi ma de véjiyayi
Kerd, nékerd, yaxéyi cıra néxelesnayi

Qa to tayé kerdi harumor, ma de veti
Xıravi péro to rusnayi, zof ki sıxleti
Şerruduné to her heti ro ma gureti
To maré kerdi dısmeni, hundé hometi

Rınd u xırave veho dest ra vırazena
Çı qeda u bela bıvo, made vezena
Cané to wast, nébiyau soynena
Bena çhepelé maro cau ro erzena

Kerdené to ma ro, maqa beşiye éndi
Ma ki desti kerdi ra, qa düeyi wendi
Beşiyé zon u qomu serro ka u fendi
Guna u qusıré to ra, béwayir mendi

Xér u şerr yé to, maqa her çiré wayira
Kerdené to se soné Torné Thuji vira
Qeda u bela duri néfişt, to qe cıra
Sari ré ki tım u tım hazır u nazır a

21.01.2008

Çewti dayi, rınd u raşti gureti cıra

Maqa tı her çiyo rınd u xırav zonena

Mesaj Sayısı : 215 Yaş : 77 Kayıt tarihi : 06/02/08

HAZIR U NAZIR Ê KAMiA

Maqa cor katuné seri ro vındena
Kotiro niadana, çı bıvo vénena
Cané to ke çı wazeno, qa tı éy kena
Çéçévésae, ma tı ma ra çı wazena

Tayé to kerdi dummi, bom u budelai
Tayé béxud u béfam u ho né zonai
Ve vatena to, amei ma de véjiyai
Kerd, né kerd, yaxéi cıra né xelesnai

Rınd u xırave desté to ra vırajiye
Qesa xırave heté rındu ser erjiye
Çıqa ke cıra remai, ve zor soyniye
Qeda, bela, néweşiye tede véjiye

Qa to tayé kerdi har u mor, ma de veti
Maqa senıki çi niyé, zof ki sıxleti
Şerruduné to her heti ro ma gureti
To ma ré kerdi dısmeni, hundé hometi

Kerdené to ma ro qa bes né biye, éndi
Ma çi desti kerdi ra, qa hundé düei wendi
Zon u qomé ma serro kéy qédiné na fendi
Guna u qusıré to ra, bé wayir mendi

Xér u şerr yé to, maqa her çiré wayira
Kerdené to se soné Torné Thuji vira
Çhewti dai, rınd u rasti gureti cıra
Sari ré ki tım u tım hazır u nazır a

Torné Thuji
21.01.2008