KHALIKUNÊ MA HÊNi NÊVATO

Mesaj Sayısı : 215 Yaş : 77 Kayıt tarihi : 06/02/08

*

KHALIKUNÊ MA HÊNi NÊVATO

Qa wela mı, va cor de saré dine ro vo
Hemi ki va qéçi mayisa usari pıro vo
Kam vazo Zoné Ma, lewçewt u zaravo
Ma bestneno sari ra, dinu ré morevao

Khalıkuné ma qe coru ‘lewçewt’ névato
Ca u waré ma, yé mao, tım maré welato
Ve zoné ho, aqılé mordemi qat ve qato
Khalıku vato Zoné ma, zovina ejyato

İyé ke Zoné ma ré, zaravaé sari vané
Zoné ma nézoné, cuawé qesu nédané
Kam beno va bıvo, qa mara dur u yané
Roé ho roto, balé aqıl ra morım memané

Zoné ma nébeno kaé khurr u therrıku
Maqa ma ré zono, zoné pi u khalıku
Ma mekeré, huréndiya roé ho sıkıtu
Eve ma, mehuyayné her u kutıku

Bé zoné ho, mordem qa bé sowdao
Qa bé zoné mordemi, roé ho merdao
Sunık u senate ra zof duri mendao
Qomo bé zon; hem morım, hem vorde tondao

Qomo! Eve heq vone, ju zoné ma niyo
Tırkiyé ma ki, qe ero zuvini néşiyo
Çondséy serra, yé ma u dinu niya viyo
Ê némısé, zoné dine ma het ra zoniyo

Torné Thuji tım vano, no sené dewrano
Dormé mordemi ke pırré ilim u irfano
Ve ilım u irfan mordem bé zon bımano
Heq ke heqo, qa sevevu ré néverdano

Torné Thuji- 21.08.08