HAZETİ/HACETİ

Mesaj Sayısı : 215 Yaş : 77 Kayıt tarihi : 06/02/08

HAZETİ/ HACETİ

Ramıtene, çinıtene u komkerdene ré hazeti//haceti

(ekin ekme, biçme ve toplamada kullanılan aletler) :

Hengaji // karasaban)
Henge : cao esas, bıgé, qeyde (kaide, anaç kısım)

Henga hengaji : bıgé hengaji... Daro ke; tire, min, doçık beno pıra... sırşi bena gıl ra... sabanın asıl bölümü

Min : Daro ke; serva pérabestnaene, beno lona cağu ra...

Daré mini: darıko(çivé darıki) beno lona(qulıka) mini ra... Ke hengaji cé ranéxeleşiyo, cé névéjio... Eve ju halé ho de bımano... Eve ayaré daré mini u qertmi, sırşiya hengaji hard de xori sona(goré wastene)

Miné hengaji: Daro ke; henge u tire pérabestneno

Doçık : Caé péguretene
Doçıké hengaji: Daro ke; beno henge ra, cutkar (hengaji ra) pécéno...

Destık : Cao ke; cérino zerré desti....
Destıké hengaji: Cao ke; cutkar, doçıké hengaji ra céno zerré qevda ho...

Nire : Daro ke; nino ro vıle// boyunduruk)
Niré gau : Daro ke; nino ro vıle gau, kılameyi bené pıra// boyunduruk)
-*-Tira hengaji, ya ki dargami; nire ra gırédiné...

Xape : laé gırédaene
Xapa niri: xapa ke; nire pé gırédino...
La: ip
Laé niri: laé ke; pé kılamé vılé gau girédiné....

Mosa//masasi: Çüyo ke; cutkar pé déy gau rameno... // sırık sopa)

Mole : gılvé dari o bari u teze... Pé ga u golig ramino...

Sırsi : Osnéno polato ke beno gılé henga hengaji ra, hard qılasneno ra...// saban demiri ),

Mısone : Dı caği texteyi yé ke; dargame ra, dargame ki nire ra giredina... Bıné ho; kemeré adırgi tede kuyayé, pé sop conde kené hurdi, kené sımer.... // döven),

Dargami//Gamosi: rewuta ke; mısone u niri werte dera, néjdiyé 3 métroyi : Döven ile boyunduruk arasında iki ucu delikli 3m. Dolayında kalın bir sırık...

Qertime : Darıké ayarkerdene
Qertime : Darıko ke; beno dargami ra, ya ki tira hengaji ra, pé nire ra eve xapıke ya ki cime girédino...

Selıke : selea qıskeke.... cimu ra, ya ki sopé waşio qolınd ra giredina// vırajina...

Selıka gau : selıka ke; pé feké gau girédané ke, zerar medé ekin//jianu
(öküzlerin ekinlere veya harmandaki ürünlere zarar vermemeleri için takılan ağızlık),

Kılame : Darıké ke bené nire ra, pé vılé gau girédiné...
(boyunduruğu öküzün boybuna takmaya yarayan çubuklardan her biri)

Xeleke: : halka
Xeleka niri: xeleka ke; nire ra girédaiya, qertime beno tıra... Pé tira hengaji ya ki dargami nire ra bestnina,
Xape : laé girédaene
xapa niri (Rışti) : lao ke; pé déy nire, tira hengaji, ya ki dargami ra giredino...
xapa mısoni: xapa ke; pé dae mısone ve dargami ra péra bestniné

Cime//gime : dalo ke; tira hengaji, ya ki dargami nire ra, unca dargami mısone ra girédiné...
Rışti : (karasabanı boyunduruğa bağlayan ip ya da laztik)

Zakut(mıx) : (eskiden)sopanın ucuna takılan çivi

Mesaj Sayısı : 215 Yaş : 77 Kayıt tarihi : 06/02/08

KOTi BENA BIVE; QE NÊJDİ, QE DURİVE

Düéyi kerdéne, dewe de, ware de, ko ra
Mı düeyi wendéne horé, de zerré ho ra
Tayine va ke, na dina bé to har u mor a
Tenge de, ma ra qéri, péro vérené to ra

Se kena bı ke, ez mınete nékenu to ra
Qe derdé mı n!beno, çıqa ke tı o cora
Mı desta béro, jüye nanu ve çaré tora
Qewul kerdena ho, çıqa ke mı ré zora

Péro, çıqa ke téniya qusıré to niyo
Çı amo ma sare, eve persé to biyo
Eve vatena to, hard u asmén cériyo
Ma çı ke vırasto, desté to ra rıjiyo

Taé ve vatena ho wené, ma sérkeme
Pesew u peroz ma tüyé ho qılotneme
Verendera qesa ho çıqa ke senceme
Ma çıra, qaré qesa sari ma unceme

Na guna yé tüya, sew u roz ma berveme
Çıra coru, ma rehetiye horé névéneme
Çıqa ke, ma zof guréyéme, senık weme
Her geyim ma welaté ho ra duri maneme

Ma; xırave, qe kesi ré coru néwazeme
Ma çıra, nuna de ho, ma rehet néweme
Çıqa ke venga ma dané, qéret ki keme
Ma çıra, ma texti sero coru, néniseme

Ollem qanunu nano ro, ma dıme some
Eve zoné ho nusnené, ma rınd nézome
Kokıma newayi, kerde bépér u béqome
Werté çor désu de biye lal u kherr u bome

Bexté ma ré biya kor, ma ravér né some
Ollem keno ho ser u bına, ma pars u ome
Çıra ma, ra u réçuné ho rındek nézome
Torné Tuji zono ke, to ra nébena lome

---------

Qe her ca ra, qe dest u duzu, qe kora