*
NA RINDEKiE KOTİ RA
Semt u rındekia to, périne ra cora
Koti viya, tı ve na rındekiya ho ra
Bezne derge, buri tenıki, motemora
Heqi ra mınete kenu ez, serva to ra
Dıdoni mırzani, lew u sırot to suré
Çévesayi bı huyiye, sa vi, ez ho ré
Gosé mı kherr, çımé mı bé to koré
Rozra çond geyimi mırenu ez, to ré
Xatıré xo gırano, lewé ma o desta
Olli ré sıkır kenune ke! a mae esta
Zéde mevone ki, dae desta tı resta
Şirénia to ki, roj ve roj tayna hesta
Dewa sıma verra sona tırri u kare
Eke béri dewa sıma, çı yéno mı sare
Desté mı ve yé tora, eke améyi téare
To horé remnenu benune caé ware
Tı qe merax meke, ware de çı werino
Kelpuği, héluge, sıng u rıvés vejino
Moresınci, gulıki, savıle, şirik jédino
Dırıke, şilani, her tım çiyé vénino
Béra rame, ez qe coru bé to nébenu
Ancax, zerré çımuné to de ho vénenu
Ez na hardi sero, ho ré ca néwazenu
Bé to, ma ez malé dina pé se kenu
Torné Thuji
Anasayfa