Torné Thuji
Mesaj Sayısı : 215
Yaş : 77
Kayıt tarihi : 06/02/08
 | | Konu: TI MORIM VERDANA Çarş. Haz. 23, 2010 10:18 am | |
| * TI MORIM VERDANA
Her çira cora ca gureto, tı reheta
Caé to reheto, to tım raa ho veta
To ra gore, ne cizğio neçi ke xeta
Toré, mevazé péyniya ho sılameta
Heqa; çı nusnena, eve ho nézonena
Ğeleta ho ré, tı coru wayir nébena
Melekuné ho bile, tı husku soynena
Uncia ki cérena ra, tı hosav persena
Çéfé to çı ke wazeno, tım tı éy kena
Wayir tiya, zé vatena ho hosavnena
Taine davacor, tı orazu ro rusnena
Taine çéfé hora, tı davacér voznena
Ma qéy, yé ma taine cigeru vésnena
Cıré bela de belayi sero, tı rusnena
Adıré ho ra, soji; tı sari sero poznena
Heté ra ki; sew u roz ho dıma voznena
Tainé çare ra bındeştiye, tı nusnena
Zor u zext u zulmé ho, ero cı mısnena
Horé çiyé wast, vıréniye ro cı bırnena
Zolımu ki, ve vatena dinu tı orosnena
Feq u fıqari zolımu dımera, tı voznena
Cigeru ki, dinu zerre de tı vésnena
Çirina dine, coru ve ho, qe néhesnena
Raa to mızğeliya, yé to zelal nébena
Zoré to sero wo, pesew, perroz kuyena
Ma! Na qomé feqir ra, tı hona çı wazena
Zulmé hiré hozar serri bın de, tı nalnena
Ju zoné ho bi, tı déy ra ki morım verdana
Torné Thuji | |
|
