NA SENÊ LÉZIMÉNiA

NA SENÊ LÉZIMÉNiA

Tım vané ma ve sıma ra bırayime
Qa her karu gure de ki piyayime
Ma ve sıma ra xal u werezayime
Zuvini ré zé gost u nenug rayime


Rast ke ma zé gost u nenug rayime
Zé vaten u goré sıma bırriyayime
Qa tım sıma çım ra héni vénayime
Caé ma? Hundé ke lozım biyayime


Rasta ke ma ju ca de, piya rime
Sıma sero, ma bari bın de rime
Ma pé xapnené ke, ma derd werime
Xırave bıkeré, ma cıré wedarime


Cané sıma vast, ma ra ifade céné
Yé ma u sıma, na sené lézıméné
Feké ho ra mekerime, ma ro yéné
Sıma, coru ma tédust ra névénené


Seré texti tım sıma ho ré wazené
İnatuné ho ra qe coru névérené
Welat zé vatena ho bare kené
Ma ra céné, çı bıvo horé bené


Qeraru dané, qanunu vırazené
Ma se bıkeme, qesé sıma vérené
Sené wext beno bıvo, ma xapnené
Cané sıma wast, welatu ro rusnené


Torné Thuji ho ki, to ki nas keno
Halé ho ki, xuya to ki, zoneno
Endi ve qesa de to qan nébeno
Vıle çewto ke(...) hewn ra néurzeno