Torné Thuji
Mesaj Sayısı : 215
Yaş : 77
Kayıt tarihi : 06/02/08
 | | Konu: -* MA VE XÊR Di *- Paz Tem. 18, 2010 2:47 am | |
|
MA VE XÊR Di
Mordem ke zuvini ra, ma ve xêr di, vazo
Çin, xusumet u buxuz werte ra derbazo
Qa merebayê mordemi cı rê zê duwazo
Bê mereba, zerre nêweso, pırê marazo
Mereba, mordem rê sevevê naskerdene
Zerro wes u vengo şirên ra slam daene
Thowa çino, zê destê zuvini guretene
Weşiye ramıtena. Sevev niya werdene
Ez ve mordemiye, vengê sıma hesnenu
Ez welatê ho, cao ke büne ğêyalnenu
Ma ez naza qom u lêzımunê ho vênenu
Qomi rê wayir, goni ağwe nêerzenu
Çiçegunê tırr u kasunê mayê rengınu
Ma rê thomê ağwa hêyniyunê serdınu
Rengê dar u berê ma yê verın pelgınu
Ma; se ho vira keme, kounê çengelınu
Kam ke, ver hetê welati rao ke, bêro
Tım caê ho çımu sero, va ravêr şêro
Qomo! Ma rê kam ke newaz u bêxêro
Xızır, va hona ke rewo, ma ra bicêro
Herkeşi dayma ve zonê ho mereva ke
Tım ve zon u zerro wes ra isonu sa ke
Eve qesa wese, çêverê zerri rake
Se ke khalıkê ho, tımutım cı ra va ke
En son Torné Thuji tarafından C.tesi Tem. 24, 2010 9:44 am tarihinde değiştirildi, toplamda 1 kere değiştirildi | |
|
