-* HONA TO RA MEVÊRO *-

Mesaj Sayısı : 215 Yaş : 77 Kayıt tarihi : 06/02/08

HONA TO RA MEVÊRO

Taê mordemi estê, tım pırê marazê
Keşi gos nêdane, sekeme, sıma vazê
Laukê ma çarnê, tomıri dest de sazê
Marê zêde vênenê, sowda u avazê

Dısmenê zonê ma, nêverdanê xızmete
Zovi nê! tora ki, vanê Heqê homete
Bena ke, ma zonê ho rê fina hosrete
Senê Heqa! İzna to ra zon bi tomete

Ma çıra yê mayêma bınê lıngu dero
Zor u zext kêmi nêbeno, hardê ma sero
Ma zoneme ke, o senê fıkro dine vero
Jiar u diarê ma, dinu çım de pul u pero

Wazené, mıxeneto ke wertê ma derê
Rısvet ra qan kerê, aqıl ke vêri serê
Adır ver kerê, gem u bırê ma qırker
Ser vêran kerê, bıne ra ra tasê, berê

Çond sey serriê, çımê ho Dêsım dero
Sar se bêro hardê dewrêşi lone kero
Bınê hardê ma ra zern u şêm vezo bero
Siyanur u zêhirê ho verdo, tarrê ma sero

Tı senê wayira, to ra mordem mevêro
Se beno! Ju heqo de bin rastê to bêro
Pers kero, sar çıra coro, qomê ma cêro
Dest ro belıka to no, to ma ra bicêro

Tornê Thuji Heqê zê to ra ki mevêro
Eve izna to ki, dısmenê Dersımi bêro
Ver gırêdo, çem tepıs vo, voro wecêro
Rau meverdo, mordem pıra bêro, şêro