Torné Thuji
Mesaj Sayısı : 215
Yaş : 77
Kayıt tarihi : 06/02/08
 | | Konu: HALÊ MA SE BENO Çarş. Ağus. 18, 2010 1:41 pm | |
| HALÊ HO SE BENO
Qomo, yêlo! no halê ma se beno
Ma vame, bıra rınde de vındeno
Rında ho haza vındero, mılqi keno
Wae ra ki inson rınde nêhesneno
Bao! demê yêno, demê vêreno
Dina ollem dawa ho ravêr beno
İnson qomê ho ke niya vêneno
Zerrê ho zondano, aqıl vındeno
Ju ke serva qomi ho qefelneno
Tersa mı a terse, ho qedeneno
Yê sari her ca de, yê ma nêaseno
Halê xort u ozevunê ma se beno
Çı kêmio, cı ra düri u yanê
De, nê areyê sari rê ağwe anê
Serva ju qesa thole candanê
Zof erzenê, de vanê hukumranê
Mılqi bıkerê, yê ma vanê herê
Vatenê ho naê çımu ver derê
Destu ver derê, qe vazê gewherê
Piya jê mordemu qesey mekerê
Serva sari jê cisnê mıloçıkanê
Çê de bêzari, xızmete nêdanê
Qomê ho rê, bê zikr u bê amelanê
Cı ra remenê, rasta ho nêvanê
Ju qesa rê mordemu ra vêrda ime
Se bıkeme ki, ma wa u bıra ime
Heya! Juvini ra düri perra ime
Ya çinime, ya aqıl ra pêra ime
Ho bızone, to bızonê...
Tornê Thuji
| |
|
