BIRA KE BIRAYDE QEWXA DERO
Va ma de qewxa de vo, sekeno, bıkero
Daima dawa zonê ho rê eke qomi vero
Vano, zonê pi u khalıki dina de vındero
Baqıl ke cı rê wayiro, wendoğ u nusero
O hawuro, haydaro, tım xızmete dero
Zoneno, qa wendoğo, nusneno; nusero
Koti se beno, gosê dey sero-, tım vero
Derdê merdeno, -ke qêretê sari bıkero
Sar derdê wedardaena zonê ma dero
Wazenê ke, qom zonê ma hovira kero
Coka adır vornenê, ca u warê ma sero
Qom nae famkeno, eke baqılê ho vero
No senê zıkro, senê fıkro, de êy vero
Zonê ho caverdo, xızmeta sari bıkero
No yê ma senê zonao, sayiro, nusero
Raste rê wayir niyo, qêrêtê sari dero
Heqo çêvêsae, no yê ma senê qedero
Zonê ma hao darino we, qom peysero
Feqir; hawur u haydar niyo, se bıkero
Her çi ra morımo, bıray de qewxa dero
Eke, wayirêniya zonê ho rê, qomi vero
Qom ve zonê ho ra maneno hardi sero
Ho rê nê, serva sari va sekeno bıkero
Rut u vırrano, bıray de ke qewxa dero
Wayirê zon u qomi, caê ho sarri sero
Zovti u mılqi pê serra rınd nasbıkero
Baqıl, qa uyo ke qêretê zonê ho dero
Rasta qomi rê wayir vo, ho nasbıkero
Tornê Thuji
BAQIL QOMÊ HO RÊ XIZMETE DERO
Baqıl; ver mevo, qom nêzono se bıkero
Anasayfa