De béré mın u na mıleté derdeweri
Hirıs u héşt ra dıma é rocuné veri
Nayine rüyé ho çarna heté teveri
Zon u zagoni ravér şi, niné péyseri
Pi u khalıké sari, nine çımde çéri
Né ki, ma u pié ho ré bi vi béxéri
No déné huyo maqa dané, ez sekéri
Coka naé péyéni ho ra béxeveri
Rocuné veri ke, domani fişti duri
Ma u piyé ho, bi békes u béheduri
Hala béré mın u a na rozé Xızıri
Qesé ke na roze de, ardé ra ho viri
Namé khalık u piruku qe némısnai
Ra u réçé khalıku ra pénéhesnai
Çı ke dine ra mendivi, piya vésnai
Adır u kıle vorné, kewtéi rusnai
Olli çévésae, ma ez nıka sekeri
Koti gerre bıkeri, dawa kata beri
Cıré bi dısmen hundaé qomé teveri
Qa qenderve iyé oséan ra boveri
Nıka ki ve ho ténia u béhuzuri
Belka ho berzé bexté Mırod u Mızuri
Qa rasta ho a wa, zovina péro zuri
Torné Thuji sono ve derdé na qusıri
é rocuné /rozuné/rocané veri: o eski günler(de)
kewtei: béteqt u péyser mendei
döküntü, geride kalan, ayak uyduramayan
Çele u Guze/2008
EVE HO DEST RA KERDi
tornetuji@gmail.com Kamia ma, kılamuné ma de ra
Torné Thuji
16.02.2008
Anasayfa