SOWDA MA OLLi DiVAN RESO

Torné Thuji
tornetuji@gmail.com

SOWDA MA OLLi DiVAN RESO

Dina sero kam ke bé sowdao, néweso
Juo ke qa sowda ra durio, békeso
Vencé ho ke gosé ma de vo, maré beso
Va wencé na sowda tım olli divan reso

Kor u kherr u topal vo, va méro mereso
Dısmené na sowda, bénamus u tereso
Na qese, khalıké ma ra, ma ré méreso
Sowda mara piya, welat maré zof weso

Zulmé zolımi, sowda ma sero qa beso
Ferq çino, qom ha bé sowda, ha bénefeso
Merde niyo, her qom ve sowda hora weso
Ollem wazeno ke sowda ho tornu reso

Ma ke wayir véjime, sowda ma maré besa
Yémayé ma, maré ro u can u nefesa
Yé her kesi, qa sowda ho de cıré wesa
Qa naé ma sowda koé sung u rıvésa

Riyé hardi sero téniya u békeso
Bé sowda, néwesıno, qe se u çhewreso
Omro henén; bé qimeto, péro méreso
Bé sowda, xora nun u awxe u nefeso

Torné Thuji tı sowda hora duri meso
Mordemo bésowda pesew, perroz néweso
Kamo ke néverdano, sowda ma péreso
Eve derdu bınalo, coru derman mereso


*Kamia ma, kılamuné ma de ra*
Torné Thuji
27.02.2008

CÊNİKÊ HO RO SEKENA = JÜ CÊNİKE HO RO SEKERDO
(Kadının biri kendine ne ediyor)

Çı heqa huya, eve daye némanena
Çı zona, çı béro aqıl, ho ré wazena
Qe peroz, qe pesewe vone, ferq nékena
Sıre ke ame cı ki, boyna ho naznena

Mordemiye ra béxever, towa nézona
Jü céniye ke, de zıddé mordemé kona
Se ke vané, mordemo ke némerdo hona
Êy zof rew rusnena, eve ho dıma sona

Péyniye de xér qesa de néverdana
Hona qimeté weşiye a ferq kena
Kuna ra weşiya mérdi dıma, voznena
Unca ki néxeleşina, rew via manena

Mordem ke bıdo cayilé, zof qiymet
Eve ho ki unceno maqa zof zomet
Hundayé ke weso, cıré keno xızmet
Yéné sare weşiye, cıré vané ramet

Torné Tuji çewte vatene néwazeno
Hama rasta heqi ra ki névéreno
Tım dano paré camordu ro, rexneno
Çıqa besekerd, heté mau ra nusneno


*Kamia ma, kılamuné ma de ra*
*Bé " Zoné Ma " qomé ma né beno*
*Azé ma bé zoné ma nébeno*
*Zoné ma sowda ma a*


Torné Thuji

Mızmız bir kadının yaptıkları ve pişmanlıklarını anlatır, yukarıdaki şiir.

Başlangıçta hayatı zorlaştırır. Sonra kaybettiklerinin peşine düşer, ama...

Ayrıntıları öğrenmek için, kusura kalmayın. Zazaca öğrenin, olmaz mı!!!

Torné Thuji