BAQIL DURi MEMANO

BAQIL DURi MEMANO

Tawğé ma de, maqa her çi vera çımano
Bé wahiriya qomi ra, zon péyser memano
Eke wazeno, zono xo dina sero bımano
Desté ke cıré bi derg, hewe ra néverdano


Ma ki va, qa wendo; wahiré ilım u irfano
Maqa o, éndi derduné maré ki dermano
Qesuné ke bıraé de ma vezeno, ano
Qa çı zoneno, çı newe mıseno, gırano


Kam se vano, vazo; qe coru duri memano
Hem baqılo, zoneno, hemi ki aqıl dano
Qomi ré çı ke lozım beno, zoneno, vano
İson çınay ré ke vano, no ilım u irfano


Çı bıvo, ravér sono, qom eke poşti dano
Vizér u dem u meste ré ke wahiro, xanedano
Xanedan, qesa xo pémeno, qa héni vano
Çé xanedani tım wahiré arşivé khano


Mordemo ke hem baqılo, hem ki xanedano
Qe qomé ho ra heredano, qe dur u yano
Mordem gere dıma şéro, dêy verde bıwano
Verocéro, qé lew çımu ra, ya ki destu rano


Qa baqıl derd u khulé qomi ré dermano
Duri bımano, qomé ho bé derman verdano
Eve ho deşti ki, qomé ho péyser tondano
Azé déyi ki namé déy coru wenédano


Torné Thuji ré bé wahiréni derdo gırano
Qomé xo gos ro cıno, qa hala cıra sevano
Hawuré huyo, o qe goni ağwe nédano
Zoni ré wahiro, hundé ke ro tede bımano