XIZIR PASA MEVE

XIZIR PASA MEVE

Xızır pasa çhond serriyo merdo
Biyo desté zor u zexti, sekerdo
Éy sarré pir u rayveré ho werdo
Qom serde kerdo, do-aré, berdo


Raste caverda, qesu dıma şiyo
Kutıku néwerdo, dey verde biyo
Qadi u valiyu ra piya weriyo
Helal, heram qe cévernévéjiyo


Qom hona venga piré ho dano
Kes Xızır Pasayi ho viri néano
Yé zor u zexti tım halo khano
Yé ho viyarna, name we-nédano


Qalé déy beno, ho verde sérkeno
Kes nézono, azé dey çı unceno
Noleti ke yéna-we, qal ke beno
Azé ho hesneno, béveng maneno


Yé Pir Sultani qe cé-nébırrneno
Vengé ho tımutım berz vezeno
Qe coru cıra mınete ki nékeno
Zolımuné dina verde çewt nébeno


Xızır pasayéni çıra to ré wes yéna
Dewa to niya, tı coru wayir nébena
Yé to péyniya, néjdiyo ke, mırena
Guna sari ki to vıle de manena


Xızır Pasa mebe, éndi béra ho
No çı halo, vénena tı vera ho
Ho dıma vıleçhewt meke péra ho
Éndi zuqqım meke asm u serra ho