XIZIR NEBI SER TAE FIKIR
Rivayete Ebu Hüreyre’ra gore: Hz Muhammed, Xızır’ra Xızır vatene ser nia ardora zo. Xızır’ke cawo huskte yäk qarazde’ke nişténéro!! Eke wustenéra şiyene yi cay, cae huşk yäk qaraj dıma biyene kewe eve pél té serde şiyene Çıme: Sahih-i Buhari, hadis no: 1389. D.İ.B.Y.
Ubey b. Kab’ik nia vato: Hz. Muhammed nia ardora zo: Musa Nebi werte laze İsrailora en baqıle xuyo véjiyo werte. Roze Musa Nebi lazeisrailore’ke waj da..! deyra pers kerd? Werte qule na alemde en baqıle xu kamo.... Musa Nebi vake ezo!! Wu çax Cenab-ı Haq deyre kerd tomete, fıkıre deyra koraşiye arde. Nae sero Musa Nebi cıra perskerdo; Ya Haq... Mıra baqıl jov kes esto? Cenab-ı Haq’qik cıra vato, ya esto, Musay’k vato eke esto kamo....! Haq’qik vato, cawoke di Deryay yéné péyser; qulemı Xıyır Nebi’yoke wuza, wu tora baqılo. Musa Nebi cıra pers kerd? Ey... ez çhutir vinen.! Cenab-ı Haq’ik cıra vato... zu mose pébıze, ey werte caye pakke ; na mose tuke kot kerd vind Xızır Nebi’k wuza vinena. Nae sero Musa Nebi zu mose pé ceno, yi moşi keno werté caye pak; Mordemoke vere deste Musa Nebi’de gureeno name xuk Yüşa b.Nun beno eve dey kunora raye sono na çiyeke cıra vajiye péro eve çımone xu vineno. Na hadis’eeke haqa Xızır Nebi’de nivişiye Kur-an’ede sura Kehf. 60-82’de nivişawo.Çıme: Sahih-i Buhari, hadis no:102. D.İ.B.Y .
Cor sahih hadiso ve Kur-an’de sura Kehf nivise ayeta 65’ra gore: Kélame Xızır Nebi hem nure Haq ser biyo hemik ilim-i batın, ilim-i ledun ve ilim-i gayb ji nino zof namora amora zo. Vırera ewro har çi sero wayire ilmeré gıran biyo. Na rewal’ra Nebi’yeke ame şiye ninora qe ju ji Xızır Nebi wayire ilime xori nibiyo.
Ebu Cafer Muhammed, haqa waxte Xızır Nebi ser nia vato: Xızır Nebi ( M.Ave.333 ) cawoke cıra Mekedonya vajiyo, hukumdare na diyar waxte İskender’e pil laze Filipos’te weşiya xu ramıta. Xızır Nebi ve İskender kotera çıme xuwa ebuhyat dıma, soxuniyede xuwa ebuhayat biya nasive Xızır Nebi; Xızır Nebi’k eke na xuwera sımıta biyo bımbarek..! dımak sır biyo. İskenderik na xuwera morum mendo. Çıme: Tarih-i Taberi C.2.pel.59-64. E.O.Y.
İbnü-l-Esir purtukone khanora çiyeke khotera dest, haqa Xızır Nebi’de nia vano: İslamira ave, fıkıre tae alimdarora gore; Xızır Nebi Hz. Musa b. İmran’ra ave amo sere Dinya. Waxte pasay’e Efridun b. Esgiyan’de weşiya xu ramıta. Tae rivayetora gore, domoneke yiqrar do Hz. Yivrayim ve hermeta dey Xéycane yi domonorak ju Xızır biyo. Name xuk Yelya b. Melkan’o. Piye xu pasawone xofora ju biyo. Abullah b. Şevzeb haqa Xızır Nebi’de nia vato: Xızır Nebi mıleté İran’raw, İlyas b. Yasin’ik laze İsrailora biyo, ni tım werte her serede améné té lewe; sere ser werte xode fıkıriyene. Çıme: El-Kamil C.1.pel.148-151. B.Y.
Hindistan’dek name Xızır Nebi’ra zu çem bıne hard’ra xuwe giriyo, na xuwera zu çem amo meyda tılısme na çem’ik moşi ser zu mosumo pak roniştawo. Friedläder hate Hindistande haqa Xızır Nebi’de réçe pinita. Çıme: Ansiklopediye İslam, leyden tab-ı Mad. Xızır. M.E.B.Y.
Xızır Nebi’yoke tenga isonide reseno, jede sere xuwe’de tenga gemo’de reso. Na sewetera tae mılét vane Nebi’yo sere xuwo. Diyarbekir’ira gore cerdone Suriye’de waxtoke tufan vejiyo, gemico Xızır Nebi’ra car wasto. Çıme: Tarih el Hamis, C.1.pel.107.
Corik wasenoke fıkıre haqa waxte weşena Xızır Nebi nia nivişiye. Rey niadana aqıldare Efridun waseno, rey niadanake waxte Hz. Yivrayim’de weşiya xu ramıta, heto bindek vinemeke İskender’ire roştveriye kerda. İta nino ser hurenayene yäk dergaderg nivısnayene ma na nivisira finora dür. Néyrék qe sık çinoke Xızır Nebi zof mılet xore Nebi gureto, tae cayk estéke xore ji melek’ik vinené. İta çiyoke vazeme sero vınderime; corik zof purtuko ve Alimdar’ode vinemeke ilimé Xuzur Nebi zof mılet xore roştvere Raye gureto Nébé’na deyk qewıl kerda. İtiqate Homeda Tolıv’ira gore name xuyo haq Eli’yo, name xuyo kerametek Xızır’o. Juyoke Tolıv’o haqa Xızır’de qesekerdene luzum nikeno. Xızır’o Eli Şahi Merdano juyoke tengedero ey a tengera xelesneno...Çıke hazar namé xu esté juk Xızır’o, kamke dengedero véngä deydo lewede hazıro.
ALI KILINC
Anasayfa