DÊRSIM

Dinu Çhımde Kergane

Désim dinu çımde bivi kergane
Qewxa aşiru kerdéne ve mane
Na undére, qa xuya dina khane
Çewres serre de réé, zalımane


İyé ke ra u réç ro cı bırnayi
Taé ağleru xeveri cıré rusnayi
Qolé dere u seré kou texelnayi
Feleké ho bé zomet viarnayi


Her het ro ameyi, téver u tépéyi
Lıngu bınde mendi dewi, waréyi
Cér heté veroji, hem ki zıméyi
Zu péya né, hewe ra ki améyi


Herhet ro tabur, elayi rusnayi
Caé ke, qe nécériyéne qolayi
Gureti ke, cıré mevé belayi
Kewtira ver rai ro cı mısnayi


Verde ağa u beg u hozonayi
Kişti dadıma iyé sare u payi
Péro gureti, va ard ro çınayi
Meyiti lü u kuzu ré verdayi


Rayi cériyayi, bombeyi erjayi
Adır, kıle, dü; qomi ro vornayi
Werté düyé zéhirén de verdayi
Domané soeyi, kokımé héştayi


Kewti eskeftu, kou ro remayi
Ma u pi domané ho xeneknayi
İyé ke wésaniye ver bervayi
Taé ki ağwe berdi, viyarnayi