AQILDAR YA Kİ BAQIL

AQILDAR YA BAQIL


Baqıl ke qomi u der u dori het ra zonino
Se beno bıvo, coru qomi ra néheredino
Tımutım qom u péra ho ré wayir véjino
Qe cı ré heqeret beno, qeçi zur soynino


Na dina sero baqılé qe qomé zéde niyé
Baqılé ke esté, taé ki qe cı ra névéniyé
İyé ke névéniyé, qa keşi het ra nézoniyé
Baqılé ke nézoniyé, qomi dest ra véjiyé


Wayiré namiyo, qomi het ra eke vénino
Rew ya herey, baqıli se ke kerdo, zonino
Xızmeta sari bıkero, qe qimet cı nédino
Tarix ra namé baqıli tım ma qa nusnino


Namé baqıli qom u péra déy het ra wanino
Baqıl ke qomi ré wahir vo, ma qa nusnino
Namé déy, az u azé déy het ra ki zonino
Hundaé ke zoné pi u khalıki we nédarino


Baqıl uyo ke; hem qomi, hem dina naskeno
Derd u khulé qomi ré, insani ré wayir beno
Tenge de ki, zé Xızıré Khali boyna reseno
Kam vano vazo, baqıl qomi ra duri nébeno


Baqıl tım u tım zoneno, dina sero se beno
Coru qaré bındestiye untene néwazeno
Bındest vone ki, héni qe zéde névındeno
Qom u péra ho ki bındestiye ra xelesneno


Qa ewro baqılé ma eke sari dıma soné
Sar qe mezal cı nédano ke baré vıli roné
Aqıldari qe huréndiya mordemi nékoné
Hundaé ke rasta sari, yé qomé ho bızoné


Khalıké ma vato, aqıldari mevé béçéveri
Poşti ra qomé ho, rü meçarné heté teveri
Qenderve ağwe, ez coru bé dinu meweri
Aqıldari lınguné ho sero vé, mevé serseri